Visit LCF on Facebook   

  Search
Projects » Adventure Camps » Fishing
Login  |  Register
Text/HTML
Fishing

Aangesien die winter nou verby is het ons besluit om na aktiwiteite te kyk vir die somer. Ons het besluit om ‘n visvangdag vir 10 seuns, wat deel is van Koningskinders, te reël.

Een van die groot industrië in Vanderbijlapark het ons toestemming gegee om hulle ontspanningsarea te gebruik vir die dag. Dit is ingerig met al die fasiliteiete wat ons nodig gehad het, insluitende ‘n dam met vis in!

Hierdie is almal seuns wat uit huishoudings kom waar dit swaar gaan. Hulle ouderdomme het gewissel van 8 – 13 jaar.Van hulle het gou vriende gemaak en het lekker gesels, waar ander weer meer op hulle eie was.

Ons wou hulle net ‘n lekker dag gee waar hulle pret kon hê en waar ons hulle aan ‘n positiewe gesindheid kon blootstel.
Hulle het net na 8:00 Saterdag oggend opgedaag. Ons het hulle in 3 groepe verdeel waarna elke groep na hulle area toe gegaan het waar hulle sou visvang. Die dag het stadig begin wat die visvang betref en so tussen deur het hulle sokker gespeel.

Laat oggend het die eerste vis uitgekom en onmiddelik het hulle aandag weer na die visvang gegaan. Almal het weer in afwagting agter die stokke gesit en wag vir iets om te byt.

Hierdie gesiggie spreek boekdele. Dit is Andy, hy is 8 jaar oud en was in my groep. Hy het self sy aas aangesit, die lyn ingegooi en rustig gesit en wag vir die vis om te byt.

Tot groot vermaak van almal en my verbasing het hy hierdie karp gevang.

 Hier is GP besig om die grootste vis vir die dag in te bring, ‘n mooi karp van 3kg.

Ons het ‘n brunch vir hulle voorberei en daar is geskenkpakkies aan elke seun gegee wat deur Riaan van der Walt, sy vrou en hulle sel groepie geskenk is. Daarin was ‘n waterbottel, pen en potlood, skyfies, sjokolade en nog baie meer. Na ete is almal weer terug na hulle visvang plekke.

Seuns bly seuns… Alles tot eer van die Here.
Outreach
What is LCA?

Henrie Degenaar

Email: henrie@lifeca.org

Sitemap